ନୂଆଦିଲ୍ଲୀ, (ଏନ୍ ନ୍ଯୁଜ୍) କେନ୍ଦ୍ର ସରକାର ଯାତାୟତ ସୁରକ୍ଷାକୁ ଲଗାତର ଭାବରେ ସୁଧାରିବା ଦିଗରେ କାମ କରୁଛନ୍ତି। ଏହି କାରଣରୁ କିଛି ନିୟମରେ ପରିବର୍ତ୍ତନ କରାଯାଉଛି। ନିକଟରେ ମନ୍ତ୍ରଣାଳୟର ନୂଆ ଗାଇଡଲାଇନ୍ ବାଇକ୍ ଯାତ୍ରୀଙ୍କ ପାଇଁ ରହିଛି। ଗତ ମାସରେ ଏକ ଗାଇଡଲାଇନରେ କୁହାଯାଇଥିଲା ଯେ, ବାଇକର ଦୁଇପଟ ଓ ଡ୍ରାଇଭର ସିଟ୍ ପଛରେ ହ୍ୟାଣ୍ଡ ହୋଲ୍ଡ ରହିବ। ଏହାର ଅର୍ଥ ପଛରେ ରହୁଥିବା ଲୋକକୁ ସୁରକ୍ଷା ଦେବା। ଅଧିକାଂଶ ବାଇକରେ ଏହି ସୁବିଧା ନାହିଁ। ଏହା ସହ ବାଇକର ପଛରେ ଦୁଇପଟେ ଫୁଟ୍ ଷ୍ଟାଣ୍ଡ ମଧ୍ୟ ରହିବା ବାଧ୍ୟତାମୂଳକ କରି ଦିଆଯାଇଛି।
ଗାଇଡ୍ ଲାଇନରେ କୁହାଯାଇଛି, ବାଇକର ପଛ ଚକର ବାମ ପଟେ ଅତି କମରେ ଅଧା ଅଂଶ କଭର ହେବା ଦରକାର, ଯାହାଫଳରେ ପଛରେ ବସିଥିବା ଲୋକର କପଡା ଚକରେ ଫଶିନଯାଏ।
ଜାରି କରାଯାଇଥିବା ଏହି କଣ୍ଟେନରର ଲମ୍ବା ୫୫୦ ଏଏମ, ଚଉଡା ୫୧୦ ଏମଏମ ଓ ଉଚ୍ଚତା ୫୦୦ ଏମଏମରୁ ଅଧିକ ହେବନି। ଯଦି କଣ୍ଟେନରକୁ ପଛ ଯାତ୍ରୀ ସ୍ଥାନରେ ଲଗାଯିବ ତେବେ କେବଳ ଡ୍ରାଇଭରକୁ ହିଁ ମଞ୍ଜୁରୀ ମିଳିବ। ଅର୍ଥାତ କେହି ଅନ୍ୟ ବ୍ୟକ୍ତି ସେହି ବାଇକରେ ବସିପାରିବେ ନାହିଁ।
ନିକଟରେ ସରକାର ଟାୟାରକୁ ନେଇ ନୂଆ ଗାଇଡଲାଇନ୍ ଜାରି କରିଛନ୍ତି। ଏହା ଅନୁଯାୟୀ ଗାଇଡଲାଇନ୍ ଜାରି କରାଯାଇଛି। ଏହା ଅନୁସାରେ ଅଧିକାଂଶ ୩.୫ ଟନ୍ ଓଜନ ପର୍ଯ୍ୟନ୍ତ ବାହାନ ପାଇଁ ଟାୟାର ପ୍ରେସର ମନିଟରିଂ ସିଷ୍ଟମର ପରାମର୍ଶ ଦିଆଯାଇଛି।
ଏହି ସିଷ୍ଟମକୁ ସେନସର ଜରିଆରେ ଡ୍ରାଇଭରକୁ ସୂଚନା ମିଳିଥାଏ ଯେ ଗାଡିର ଟାୟାରରେ ଏୟାରର ସ୍ଥିତି କ’ଣ? ଏହା ସହିତ ମନ୍ତ୍ରଣାଳୟ ଟାୟାର ମରାମତି କିଟର ମଧ୍ୟ ସୁପାରିଶ କରିଛନ୍ତି। ଏହା ଲାଗୁ ହେବାପରେ ଗାଡିରେ ଅତିରିକ୍ତ ଟାୟାରର ଦରକାର ପଡିବ ନାହିଁ।