ନୂଆଦିଲ୍ଲୀ: ଜରୁରୀକାଳୀନ ପରିସ୍ଥିତି ଘୋଷଣା ହେବାର ୪୭ତମ ବାର୍ଷିକୀ ଅବସରରେ ବିଜେପି କଂଗ୍ରେସ ମୁହାଁମୁହିଁ । ୧୯୭୫ରେ ଲାଗୁ ହୋଇଥିଲା ଜରୁରୀକାଳୀନ ପରିସ୍ଥିତି । ଯାହାକୁ ପୂର୍ବତନ ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଲାଗୁ କରିଥିଲେ । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଦିନକୁ ଅନ୍ଧକାର ଦିନ କେବେ ଭୁଲି ପାରିବ ନାହିଁ କହି କଂଗ୍ରେସକୁ ଟାର୍ଗେଟ କରିଛନ୍ତି । ବହୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୂର୍ବରୁ ଏବଂ ବର୍ତ୍ତମାନ ଘଟୁଥିବା କାରଣ ନେଇ କଂଗ୍ରେସକୁ ଟାର୍ଗେଟ କରିଛନ୍ତି । ଆଜି ୧୯୭୫ରୁ ୧୯୭୭ ମଧ୍ୟରେ ଦେଶରେ ପ୍ରଥମ ଓ ଶେଷ ଥର ପାଇଁ ଜରୁରୀକାଳୀନ ପରିସ୍ଥିତି କଥା ମନେ ପକାଇ ଟ୍ୱିଟ୍ କରିଛନ୍ତି ।
ପ୍ରଧାନମନ୍ତ୍ରୀ କହିଛନ୍ତିଯେ, ଭାରତର ଗଣତାନ୍ତ୍ରିକ ଆତ୍ମାକୁ ମଜବୁତ କରିବା ଏବଂ ଆମ ସମ୍ବିଧାନରେ ଧାର୍ଯ୍ୟ କରାଯାଇଥିବା ମୂଲ୍ୟବୋଧକୁ ଯଥାସମ୍ଭବ ପାଳନ କରିବା ପାଇଁ ଉଦ୍ୟମ କରିବା ।
ବର୍ତ୍ତମାନ ଶାସନରେ ଥିବା ଭାରତୀୟ ଜନତା ପାର୍ଟି (ବିଜେପି) କହିଛିଯେ, କଂଗ୍ରେସ ସ୍ୱାଧୀନତା ସଂଗ୍ରାମୀ ଭାଗବତ ସିଂ ଏବଂ ଚନ୍ଦ୍ରଶେଖର ଆଜାଦ, ମହାତ୍ମା ଗାନ୍ଧୀ ଏବଂ ରବୀନ୍ଦ୍ରନାଥ ଟାଗୋରଙ୍କ ଉଦ୍ଧେଶ୍ୟ, କିଶୋର କୁମାରଙ୍କ ଗୀତ ଏବଂ ଅସନ୍ତୋଷର ଭାରତର ଅଧିକାର ଉପରେ ମଧ୍ୟ ନିଷେଧାଦେଶ ଜାରି କରିଛି । ଦଳ ଲୋକଙ୍କୁ ପ୍ରତିଶ୍ରୁତି ଦେବା ପାଇଁ ଅନୁରୋଧ କରିଛି ଯେ “କଂଗ୍ରେସକୁ ଆଉ ଏହା କରିବାକୁ ସୁଯୋଗ ଦିଆଯାଉ ନାହିଁ”
ପ୍ରଧାନମନ୍ତ୍ରୀଙ୍କ ସହିତ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଜରୁରୀକାଳୀନ ପରିସ୍ଥିତିକୁ ମନେ ପକାଇ “ନିର୍ଦ୍ଦୟ ନିର୍ଯାତନା” ଏବଂ “୨୧ ମାସର ନିର୍ଦ୍ଦୟ ନିୟମ” ବୋଲି କହିଛନ୍ତି।
ଏହାକୁ ନେଇ କଂଗ୍ରେସ ନେତା ଶଶି ଥରୁର ସରକାରଙ୍କୁ କାଉଣ୍ଟର ଟାର୍ଗେଟ କରିଛନ୍ତି। ସେ କହିଛନ୍ତିଯେ, ଦେଶରେ କରୋନାର ମୁକାବିଲା କରିବା ପାଇଁ ଆମେ ଦେଶବ୍ୟାପୀ ଡାକ୍ତରଙ୍କ ଅଭାବ ଭୋଗୁଛୁ କହି ସରକାରଙ୍କୁ ଟାର୍ଗେଟ କରିଥିଲେ ।