ନୂଆଦିଲ୍ଲୀ,(ନାଗରାଜ ନ୍ୟୁଜ): ନ୍ୟୁଜିଲାଣ୍ଡକୁ ପରାସ୍ତ କରିଛି ଭାରତୀୟ ଟିମ । ଜୟପୁର ପରେ ରାଞ୍ଚିରେ ମଧ୍ୟ ଭାରତୀୟ କ୍ରିକେଟ ଟିମ ଦ୍ୱାରା ନ୍ୟୁଜିଲାଣ୍ଡ ପରାସ୍ତ ହୋଇଛି । ଏବେ ଭାରତ କୋଲକାତାର ଇଡେନ ଗାର୍ଡେନରେ ରବିବାର ଖେଳାଯିବାକୁ ଥିବା ଶେଷ ମ୍ୟାଚରେ ମଧ୍ୟ ଜିତିବା ପାଇଁ ସମସ୍ତ ପ୍ରକାରର ବଳ ପ୍ରୟୋଗ କରିବ । ରାଞ୍ଚିରେ ଭାରତୀୟ ଟିମ ଦମଦାର ପ୍ରଦର୍ଶନ କରି ଏକତରଫା ବିଜୟର ସହିତ ଶୃଙ୍ଖଳାକୁ ନିଜ ଅଧିନକୁ ଆଣିଛି । ତିନି ମ୍ୟାଚର ଟି-୨୦ ଶୃଙ୍ଖଳାରେ ଭାରତ ୨-୦ରେ ଅଗ୍ରଣୀ ରହିଛି । ରାଞ୍ଚିରେ ଶୁକ୍ରବାର ଟସ ଜିଣି ଭାରତର ଅଧିନାୟକ ରୋହିତ ଶର୍ମା ବୋଲିଂ ନିଷ୍ପତ୍ତି ନେଇଥିଲେ । ନ୍ୟୁଜିଲାଣ୍ଡ ପ୍ରଥମେ ବ୍ୟାଟିଂ କରିଥିଲା ଏବଂ ନିର୍ଦ୍ଧାରିତ ୨୦ ଓଭରରେ ୬ଟି ୱିକେଟ ହରାଇ ୧୫୩ ରନ କରିଥିଲା । ଫଳରେ ଭାରତକୁ ୧୫୪ ରନର ବିଜୟ ଲକ୍ଷ୍ୟ ମିଳିଥିଲା ।