ନୂଆଦିଲ୍ଲୀ, (ନାଗରାଜ ନୁ୍ୟଜ) ଆଜି ଆକସ୍ମିକ ଭାବରେ ଉତ୍ତରାଖଣ୍ଡ ରାଜ୍ୟପାଳ ପଦବୀରୁ ଇସ୍ତଫା ଦେଲେ ବେବୀ ରାନୀ ମୋର୍ଯ୍ୟ । ତେବେ ବେବୀ ରାନୀ ମୋର୍ଯ୍ୟ ରାଷ୍ଟ୍ରପତିଙ୍କ ନିକଟରେ ଇସ୍ତଫା ପତ୍ର ଦାଖଲ କରିଛନ୍ତି ।
ଏଭଳି ଭାବେ ପଦ ଛାଡିବାରୁ ବେବୀ ରାନୀ ମୋର୍ୟ୍ୟଙ୍କୁ ବିଜେପି କିଛି ବଡ଼ ଦାୟିତ୍ୱ ମିଳିବା ନେଇ ମଧ୍ୟ ଆଶଙ୍କା କରାଯାଉଛି । ଇସ୍ତଫା ଦେବା ପୂର୍ବରୁ ବେବୀ ରାନୀ ଦିଲ୍ଲୀ ଯାଇ ଗୃହମନ୍ତ୍ରୀ ଅମିତ୍ ଶାହାଙ୍କ ସହ ଆଲୋଚନା କରିଥିବା ଜଣାପଡିଛି ।
ଚଳିତ ବର୍ଷ ଉତ୍ତରାଖଣ୍ଡର ରାଜ୍ୟପାଳ ଭାବରେ ୩ ବର୍ଷ ପୁରା କରିଛନ୍ତି ବେବୀ ରାନୀ ମୋର୍ଯ୍ୟ । ତେବେ ଏଭଳି ଭାବେ ପଦ ଛାଡିବା ପରେ ବିଜେପିରେ ସାମିଲ ହେବା ନେଇ ଚର୍ଚ୍ଚା ଜୋର ଧରିଛି । ତେଣୁ ରାଜ୍ୟପାଳ ପଦବୀରୁ ଇସ୍ତଫା ପରେ ଉତ୍ତରପ୍ରଦେଶରେ ବେବୀ ରାନୀ ମୋର୍ଯ୍ୟଙ୍କୁ ଏକ ବଡ଼ ଦାୟିତ୍ୱ ମିଳିବାକୁ ଯାଉଛି ବୋଲି ଏକ ପ୍ରକାର ସ୍ପଷ୍ଟ ହୋଇଛି ।