ନୂଆଦିଲ୍ଲୀ: ବର୍ଷୀୟାନା ଅଭିନେତା ଦିଲ୍ଲୀପ କୁମାରଙ୍କ ପରଲୋକ । ମୁମ୍ବାଇର ହିନ୍ଦୁଜା ହସ୍ପିଟାଲରେ ବଲିଉଡ କିମ୍ବଦନ୍ତୀ ଦିଲ୍ଲୀପ କୁମାରଙ୍କ ଦେହାନ୍ତ ହୋଇଛି । କିଡନୀ ରୋଗଠାରୁ ଆରମ୍ଭ କରି ନିମୋନିଆ ପର୍ଯ୍ୟନ୍ତ ଅସୁସ୍ଥତା ସହିତ ଦିଲ୍ଲୀପ କୁମାର ଗତ କିଛି ବର୍ଷ ହେବ ବାରମ୍ବାର ହସ୍ପିଟାଲ ଚିକିତ୍ସା ପାଇଁ ଆସୁଥିଲେ । ଗତ ବୁଧବାର ନିଶ୍ୱାସ ପ୍ରଶ୍ୱାସ ନେବା ସମସ୍ୟା ଯୋଗୁଁ ଡାକ୍ତରଖାନା ନିଆଯାଇଥି ଲା। ମୃତ୍ୟୁ ବେଳକୁ ତାଙ୍କୁ ୯୮ ବର୍ଷ ହୋଇଥିଲା ।
ଦିଲୀପ କୁମାରଙ୍କୁ ପ୍ରଥମେ ଜୁନ୍ ୬ରେ ଡାକ୍ତରଖାନା ନିଆଯାଇଥିଲା ଓ ତାଙ୍କୁ ଅମ୍ଳଜାନ ସହାୟତାରେ ଚିକିତ୍ସା କରାଯାଇଥିଲା। ଡାକ୍ତରଙ୍କ ପରାମର୍ଶ କ୍ରମେ ସେ ଜୁନ୍ ୧୧ ରେ ଡିସଚାର୍ଜ ହୋଇଥିଲେ ।
ସେହି ମାସରେ ସେ ଦ୍ୱିତୀୟ ଥର ହସ୍ପିଟାଲରେ ଭର୍ତ୍ତି ହୋଇଥିଲେ।ଦିଲୀପ କୁମାରଙ୍କର ପ୍ରକୃତ ନାମ ୟୁସୁଫ୍ ଖାନ୍, ଭାରତୀୟ ସିନେମାର କେତେକ ଆଇକନ୍ ତଥା ଲ୍ୟାଣ୍ଡମାର୍କ୍ ଚଳଚ୍ଚିତ୍ରରେ ମୋଗଲ-ଏ-ଆଜାମ, ନୟାଦୌର, ଦେବଦାସ ରାମ ଔର ଶ୍ୟାମ, ଅନ୍ଦାଜ , ମଧୁମତୀ ଏବଂ ଗଙ୍ଗା ଜାମୁନାଙ୍କ ସହ ଅଭିନୟ କରିଥିଲେ। ୬୦ ଦଶକର ଲୋକପ୍ରିୟ ଅଭିନେତା ୬୦ରୁ ଉର୍ଦ୍ଧ୍ବ ଚଳଚ୍ଚିତ୍ରରେ ଅଭିନୟ କରିଥିଲେ । ୧୯୯୪ ମସିହାରେ ସେ ଶ୍ରେଷ୍ଠ ଦାଦାସାହେବ ଫାଲକେ ଆୱାର୍ଡ ପାଇଥିଲେ ଓ ୨୦୧୫ରେ ସେ ପଦ୍ମବିଭୂଷଣ ସମ୍ମାନରେ ସମ୍ମାନିତ ହୋଇଥିଲେ ।