ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ଆହ୍ବାନ କ୍ରମେ ଆଜି ଏକାମ୍ର ନିର୍ବାଚନ ମଣ୍ଡଳୀର ଗଙ୍ଗ ନଗର କମ୍ୟୁନିଟି ସେଣ୍ଟରରେ ଘରେ ଘରେ ମାସ୍କ୍ ବଣ୍ଟନ କାର୍ଯ୍ୟକ୍ରମକୁ ସ୍ଥାନୀୟ ବିଧାୟକ ତଥା ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡାଙ୍କ ଦ୍ଵାରା ଉଦ୍ଘାଟନ ହୋଇଯାଇଛି। ଏହି କାର୍ଯ୍ୟକ୍ରମ ବିଧାୟକ ଆଞ୍ଚଳିକ ଉନ୍ନୟନ ପାଣ୍ଠି ବା ଏମଏଲଏ ଏଲଏଡି ଅନୁଦାନ ରେ ଏକାମ୍ର ନିର୍ବାଚନ ମଣ୍ଡଳୀ ର ତେଜସ୍ଵୀନି ମିଶନ ଶକ୍ତି ମହାସଂଘ ସହଯୋଗରେ ବିଭିନ୍ନ ସ୍ଵୟଂ ସହାୟକ ଗୋଷ୍ଠୀ ମହିଳା ମାନଙ୍କ ଦ୍ୱାରା ପ୍ରସ୍ତୁତ କପଡା ମାକ୍ସ ଗୋଷ୍ଠୀର ସଦସ୍ୟା ମାନେ ପ୍ରତ୍ୟେକ ଘରେ ନିଃଶୁଳ୍କରେ ବଣ୍ଟନ କରିବେ। ଏହା ଦ୍ୱାରା ମହିଳାମାନେ ମାସ୍କ ତିଆରି କରି ଆର୍ଥିକ ସ୍ୱାବଲମ୍ବୀ ହେବେ। ଏତତ୍ ବ୍ୟତୀତ ଅଞ୍ଚଳରେ କରୋନା ସଚେତନତା ପାଇଁ ପ୍ରକ୍ୟେକ ୱାର୍ଡ ର କରୋନା ଯୋଦ୍ଧା ମାନଙ୍କୁ କୋଭିଡ ପିପିଇ କିଟ କିଟ୍ ପ୍ରଦାନ କରିଥିଲେ। କାର୍ଯ୍ୟକ୍ରମରେ ମିଶନ ଶକ୍ତି ଉପଦେଷ୍ଟା ଲୋପାମୁଦ୍ରା ବକ୍ସିପାତ୍ର, ତେଜସ୍ଵୀନି ସଭାପତି ମହାମାୟା ସ୍ୱାଇଁ, ସମ୍ପାଦିକା ସଂଯୁକ୍ତା ଭୂତିଆ, ଭୁବନେଶ୍ୱର ବି .ଡି .ଓ ରମେଶ ଚନ୍ଦ୍ର ସେଠୀ,ବି ଏମ୍ ସି ଜେଡଡିସି ଅଂଶୁମାନ ରଥ, ରବିନାରାୟଣ ଜେଠି,ସିଡିପିଓ ସନ୍ଧ୍ୟାରାଣି ଦେବୀ,ପୁର୍ବତନ କର୍ପୋରେଟର ଶ୍ରୀଧର ବେହେରା, ସୁଜିତ୍ ସ୍ୱାଇଁ , ରୁନୁ ଜେନା, ତେଜସ୍ଵୀନିର ସମସ୍ତ କର୍ମକର୍ତ୍ତା ପ୍ରମୁଖ ଉପସ୍ଥିତ ଥିଲେ।