ଦେହରାଡୁନ, (ନାଗରାଜ ନ୍ୟୁଜ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନଭେମ୍ବର ୫ରେ କେଦାରନାଥ ଗସ୍ତରେ ଯାଇ ୨୫୦ କୋଟି ଟଙ୍କା ମୂଲ୍ୟର କେଦାରପୁରୀ ପୁନଃ ନିର୍ମାଣ ପ୍ରକଳ୍ପର ଶୁଭାରମ୍ଭ କରିବେ । ଦୀପାବଳିର ଆଗାମୀ ଦିନରେ ପ୍ରଧାନମନ୍ତ୍ରୀ ମୋଦୀ ବାବା କେଦାରନାଥଙ୍କୁ ଦର୍ଶନ କରିବେ । ଏକ ମାସ ମଧ୍ୟରେ ଏହା ପ୍ରଧାନମନ୍ତ୍ରୀଙ୍କ ଦ୍ୱିତୀୟ ଗସ୍ତ ହେବ । ପ୍ରଧାନମନ୍ତ୍ରୀ ଅକ୍ଟୋବର ୭ରେ ଋଷିକେଶରେ ଥିବା ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ (ଏଆଇଆଇଏମଏସ) ପରିଦର୍ଶନ କରି ସେଠାରେ ଏକ ଅମ୍ଳଜାନ କାରଖାନା ଉଦଘାଟନ କରିଥିଲେ ।
ଆସନ୍ତା ମାସରେ ହେବାକୁ ଥିବା କେଦାରନାଥ ଗସ୍ତକୁ ନିଶ୍ଚିତ କରି ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି କହିଛନ୍ତି ଯେ ପ୍ରଧାନମନ୍ତ୍ରୀ କେଦାରନାଥ ମନ୍ଦିର ପରିଦର୍ଶନ କରିବା ବ୍ୟତୀତ ଆଦି ଗୁରୁ ଶଙ୍କରାଚାର୍ଯ୍ୟଙ୍କ ସମାଧି ସମେତ ୨୫୦ କୋଟି ଟଙ୍କା କେଦାରପୁରୀ ପୁନଃ ନିର୍ମାଣ ପ୍ରକଳ୍ପର ଉଦଘାଟନ କରିବାର ସମ୍ଭାବନା ରହିଛି । ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି କହିଛନ୍ତିଯେ, କେଦାରପୁରୀ ପୁନଃ ନିର୍ମାଣ ପ୍ରକଳ୍ପର ଦ୍ୱିତୀୟ ପର୍ଯ୍ୟାୟ ପାଇଁ ପ୍ରଧାନମନ୍ତ୍ରୀ ମଧ୍ୟ ମୂଳଦୁଆ ପକାଇପାରନ୍ତି, ଯାହାର ମୂଲ୍ୟ ୧୫୦ କୋଟି ଟଙ୍କା ହେବ ।