ଲକ୍ଷ୍ନୌ, (ନାଗରାଜ ନ୍ୟୁଜ ): ଉତ୍ତର ପ୍ରଦେଶ ଲକ୍ଷ୍ମୀପୁର ଖିରି ମାମଲା ତୀବ୍ରତର ହେବାକୁ ଲାଗିଛି । ଉତ୍ତେଜନା ପ୍ରକାଶ ପାଇବା ପରେ ସୋମବାର କ୍ଷତିପୂରଣ ସମ୍ପର୍କରେ ଉଭୟ ପକ୍ଷ ମଧ୍ୟରେ ଚୁକ୍ତି ହୋଇଥିଲା । ସେପଟେ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଗେଲ ରାଜ୍ୟ ସରକାରଙ୍କୁ ଅଭିଯୋଗ କରିଛନ୍ତିଯେ, ଏହି ମାମଲାରେ ଅଭିଯୁକ୍ତଙ୍କ ବିରୋଧରେ କୈାଣସି କାର୍ୟ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ । ଏହା ଅତ୍ୟନ୍ତ ଦୁର୍ଭାଗ୍ୟଜନକ ଯେ ଏସବୁ ଘଟୁଛି ଯେଉଁଠାରେ ଆମେ ସ୍ୱାଧୀନତାର ଅମୃତମହୋତ୍ସବ ପାଳନ କରୁଛୁ, ସେହି ସ୍ଥାନରେ ନ୍ୟାୟ ପ୍ରତ୍ୟାହାର କରାଯାଉଛି ।
ଏନସିପି ସଭାପତି ଶରଦ ପାୱାର ହାଇକୋର୍ଟର ଅବସରପ୍ରାପ୍ତ ବିଚାରପତିଙ୍କ ଦ୍ୱାରା ଘଟଣାର ତଦନ୍ତ ଦାବି କରିଛନ୍ତି । ଏହାସହିତ କୃଷକଙ୍କ ସ୍ୱରକୁ ଦମନ କରିବାକୁ ସରକାର କାର୍ୟ୍ୟ କରୁଛନ୍ତି, କିନ୍ତୁ ବିରୋଧୀ ଏହା କରିବାକୁ ଦେବେ ନାହିଁ । ଆମେ ସମସ୍ତେ କୃଷକଙ୍କ ସହିତ ଛିଡା ହୋଇଛୁ । ଏହାର ସମାଧାନ ପାଇଁ ଆମେ କୈାଣସି ପଦକ୍ଷେପ ଗ୍ରହଣ କରିବୁ ।
ଏହି ଘଟଣାରେ ଅଭିଯୁକ୍ତଙ୍କୁ ତୁରନ୍ତ ଗିରଫ କରିବାକୁ ବିଜେପିର ପିଲିଭୀତ ସାଂସଦ ବରୁଣ ଗାନ୍ଧୀ ଟ୍ୱିଟ କରି ଆବେଦନ କରିଛନ୍ତି । ନିଜ ଟ୍ୱିଟରେ ଏକ ଭିଡିଓ ସେୟାର କରି ସେ ଲେଖିଛନ୍ତିଯେ, ଲକ୍ଷ୍ମୀପୁର ଖିରିରେ ଚାଷୀଙ୍କୁ ଚତୁରତାର ସହ ଜାଣିଶୁଣି ଗାଡିରେ ଚାପି ମାରିଦେବା, ଏହି ଘଟଣା ଅତ୍ୟନ୍ତ ଦୁଃଖଦାୟକ । ପୋଲିସ ଏହି ଭିଡିଓର ଜ୍ଞାନ ଗ୍ରହଣ କରିବା ଉଚିତ ଏବଂ ତୁରନ୍ତ ଏହି ଗାଡିଗୁଡିକର ମାଲିକ, ସେଥିରେ ବସିଥିବା ଲୋକ ଏବଂ ଏହି ମାମଲାରେ ଜଡିତ ଅନ୍ୟ ଲୋକଙ୍କୁ ଗିରଫ କରିବା ଉଚିତ୍।
କଂଗ୍ରେସ ନେତା ତଥା ଦଳର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ଟ୍ୱିଟରରେ ରାଜ୍ୟ ସରକାରଙ୍କୁ କହିଛନ୍ତିଯେ, ଏହି ପ୍ରସଙ୍ଗରେ ଜନସାଧାରଣଙ୍କ ସ୍ୱର ଉତ୍ତୋଳନ କରିବାରୁ ତାଙ୍କୁ ଏବଂ ଅନ୍ୟ ବିରୋଧୀ ଦଳର ନେତାଙ୍କୁ ଗିରଫ କରାଯାଇଛି । ଏହି ମାମଲାରେ ଅଭିଯୁକ୍ତ ମନ୍ତ୍ରୀଙ୍କ ପୁଅଙ୍କୁ ଏପର୍ୟ୍ୟନ୍ତ କାହିଁକି ଗିରଫ କରାଗଲା ନାହିଁ ବୋଲି ପ୍ରଶ୍ନ କରିଛନ୍ତି କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ ଭଦ୍ରା । କୃଷକଙ୍କ ଉପରେ ଗାଡ଼ି ଚଢ଼ାଇଥିବା ସେମାନେ କେମିତିଆ ରାଷ୍ଟ୍ରବାଦୀ ବୋଲି ପ୍ରିୟଙ୍କା ପ୍ରଶ୍ନ କରିଛନ୍ତି। ବିଜେପି ଶାସନରେ ରହିବାର କୌଣସି ଅଧିକାର ନାହିଁ ବୋଲି ପ୍ରିୟଙ୍କା କହିଛନ୍ତି ।
ସେ ଆହୁରୀ ମଧ୍ୟ କହିଛନ୍ତିଯେ, “ହିଂସା ସବୁବେଳେ ହିଂସା ହୋଇଥାଏ । ମୁଁ ମୋ ଜୀବନରେ ଅନେକ ହିଂସା ଦେଖିଛି । ସେଠାରେ ଯାହା ଘଟିଲା ସେ କୃଷକଙ୍କ ଠାରେ ହେଉ କିମ୍ବା ଅନ୍ୟ ସହିତ ତାହା ଭୁଲ୍ । ସେମାନେ ଶାନ୍ତିପୂର୍ଣ୍ଣ ବିରୋଧ ପ୍ରଦର୍ଶନ କରୁଥିଲେ । ଏବଂ ମନ୍ତ୍ରୀ ପୁଅ ଆସି ସେମାନଙ୍କୁ କାର୍ରେ ଦଳି ଦେଇଗଲା ।