ନୂଆଦିଲ୍ଲୀ, (ନାଗରାଜ ନ୍ୟୁଜ): ରାଷ୍ଟ୍ରପତି ରାମ ନାଥ କୋବିନ୍ଦ ଅଧ୍ୟକ୍ଷତାରେ ୫୧ ତମ ରାଜ୍ୟପାଳ ଏବଂ ଉପରାଜ୍ୟପାଳ ସମ୍ମିଳନୀ ଅନୁଷ୍ଠିତ ହୋଇଛି । ଏଥିରେ ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ଗଭର୍ନର ତଥା ଲେଫ୍ଟନାଣ୍ଟ ଗଭର୍ନରଙ୍କ ବ୍ୟତୀତ ଉପରାଷ୍ଟ୍ରପତି ଏମ ଭେଙ୍କୟା ନାଇଡୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଯୋଗ ଦେଇଛନ୍ତି ।
ରାଷ୍ଟ୍ରପତି ରାଜ୍ୟପାଳ ଏବଂ ଲେଫ୍ଟନାଣ୍ଟ ଗଭର୍ନରମାନଙ୍କୁ ସମ୍ବୋଧିତ କରି କହିଛନ୍ତିଯେ, ଦୁଇ ବର୍ଷର ଦୀର୍ଘ ବ୍ୟବଧାନ ପରେ ଆଜି ଆମେ ସାକ୍ଷାତ କରୁଛୁ । କୋଭିଡ ମହାମାରୀର ମୁକାବିଲା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତରେ ବିଶ୍ୱର ସବୁଠାରୁ ବ୍ୟାପକ ତଥା ପ୍ରଭାବଶାଳୀ ଅଭିଯାନ କରାଯାଇଥିଲା । ଆମର ସମସ୍ତ କରୋନା ଯୋଦ୍ଧାମାନେ ଅସାଧାରଣ ବଳିଦାନ ଏବଂ ଭକ୍ତି ସହିତ ସେମାନଙ୍କର କର୍ତ୍ତବ୍ୟ ପାଳନ କଲେ । ଆଜି ସାରା ଦେଶରେ ୧୦୮ କୋଟିରୁ ଅଧିକ କରୋନା ଟୀକାକରଣ ସହିତ ଟୀକାକରଣ ଅଭିଯାନ ଚାଲିଛି ବୋଲି ସେ କହିଛନ୍ତି ।