ମୁମ୍ବାଇ, (ନାଗରାଜ ନ୍ୟୁଜ): ଦୁନିଆରୁ ବିଦାୟ ନେଇଛନ୍ତି ସ୍ୱର ସାମ୍ରାଜ୍ଞୀ ତଥା ଭାରତ ରତ୍ନ ଲତା ମଙ୍ଗେଶକର । ଗତକାଲି ତାଙ୍କର ଶେଷକୃତ୍ୟ ରାଜକୀୟ ସମ୍ମାନରେ ରବିବାର ଦିନ ମୁମ୍ବାଇର ଶିବାଜୀ ପାର୍କରେ ହୋଇଥିଲା । ବଲିଉଡ, ରାଜନୀତି ଏବଂ କ୍ରୀଡ଼ାର ବହୁ ସେଲିବ୍ରିଟି ଲତାଙ୍କୁ ଶେଷ ସମ୍ମାନ ଜଣାଇବାକୁ ଆସିଥିଲେ । ଏହି ଅବସରରେ, ଜଣେ ସେଲିବ୍ରିଟିଙ୍କ ଭିଡିଓ ଭାଇରାଲ ହେବାରେ ଲାଗିଛି । ଯାହା ସୋସିଆଲ ମିଡିଆରେ ଭିନ୍ନ ଏକ ପ୍ରତିକ୍ରିୟା ସୃଷ୍ଟି କରୁଛି । ବାସ୍ତବରେ ଏହି ଭିଡିଓରେ ଶାହାରୁଖ ଖାନ ଏବଂ ତାଙ୍କ ମ୍ୟାନେଜର ପୂଜା ଦଦଲାନୀଙ୍କୁ ଦେଖିବାକୁ ମିଳିଛି । ଶାହାରୁଖ ଖାନ ଦୁଇ ହାତ ବିସ୍ତାର କରି ଇସଲାମିକ ରୀତିନୀତିରୁ ଲତା ମଙ୍ଗେସକରଙ୍କ ପାଇଁ ପ୍ରାର୍ଥନା କରୁଥିବା ନଜର ଆସିଛନ୍ତି । ଅନ୍ୟପଟେ ପୂଜା ଦଦଲାନି ହାତ ଯୋଡି ନତମସ୍ତକ ହୋଇ ପ୍ରାର୍ଥନା କରିଥିଲେ ।
ସୋସିଆଲ ମିଡିଆରେ ଶାହାରୁଖ ଖାନ ଏବଂ ତାଙ୍କ ମ୍ୟାନେଜର ପୂଜା ଦଦଲାନୀଙ୍କ ପ୍ରାର୍ଥନା କରୁଥିବା ଚିତ୍ର ଦୁଇଟି ଉପାୟରେ ପ୍ରକାଶ ପାଇଛି । ଏହି ଚିତ୍ର ଏତେ ସୁନ୍ଦର ଯେ ଲୋକମାନେ ଏହାକୁ ଦେଖିବା ପରେ ସୋସିଆଲ ମିଡିଆରେ ପ୍ରେମ ବର୍ଷା କରିଛନ୍ତି । ଏହି ଭାଇରାଲ ଚିତ୍ରରେ, ଗୋଟିଏ ପଟେ କିଙ୍ଗ ଖାନ ଇସଲାମିକ ରୀତିନୀତିରେ ପ୍ରାର୍ଥନା କରୁଥିବାବେଳେ ଅନ୍ୟ ପଟେ ପୂଜା ଦାଦଲାନୀଙ୍କୁ ହାତଯୋଡ଼ି ପ୍ରାର୍ଥନା କରୁଥିବା ଦେଖିବାକୁ ମିଳିଛି । ୟୁଜର ଶାହାରୁଖ ଏବଂ ପୂଜା ଦଦଲାନିଙ୍କ ଏହିପରି ଲତା ମଙ୍ଗେଶକରଙ୍କ ଆତ୍ମାର ଶାନ୍ତି ପାଇଁ ପ୍ରାର୍ଥନା କରୁଥିବାର ଭିଡିଓକୁ ପସନ୍ଦ କରିଛନ୍ତି । ଏହାହରେ ଜଣେ ଉପଭୋକ୍ତା ମନ୍ତବ୍ୟ ଦେଇଛନ୍ତି – ‘ଏହା ହେଉଛି ପ୍ରକୃତ ଭାରତ।’ ଅନ୍ୟ ଜଣେ ଉପଭୋକ୍ତା ଲେଖିଛନ୍ତି- ‘ଶାହାରୁଖ ଖାନ ପ୍ରକୃତରେ ପ୍ରେମ ଏବଂ ଶାନ୍ତିର ପ୍ରତୀକ ।’ ଲତା ମଙ୍ଗେସକରଙ୍କୁ ଶିବାଜୀ ପାର୍କରେ ଅମିତାଭ ବଚ୍ଚନ, ରଣବୀର କପୁର, ଜାଭେଦ ଅଖତର, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅନୁରାଧା ପଡୱାଲଙ୍କ ସମେତ ରାହୁଲ ବୈଦ, ବିଦ୍ୟା ବାଲାନ, ରାଜ ଠାକରେ ମଧ୍ୟ ଶେଷ ଦର୍ଶନ କରିଥିଲେ ।